Легендарниот бразилски фудбалер, Пеле е отпуштен од болницата „Алберт Ајнштајн“ во Сао Пауло и лекувањето ќе го продолжи дома.

Пеле беше хоспитализиран на 8 декември поради лекување од тумор на дебелото црево, а болницата ја напушта во стабилна здравствена состојба.
„Пациентот е стабилен и отпуштен од болница. Сега е дома“, објавија лекарите од клиниката во Сао Паоло.

Поранешниот фудбалер се огласи на Твитер и порача дека сака Новата година да ја дочека со семејството.
Пеле е трикратен светски првак со Бразил (1958,1962 и 1970) и понатаму е најдобар стрелец на сите времиња во бразилската репрезентација со 77 гола на 92 натпревари.