Популарниот фолк-пејач Јордан Митев по првпат стана татко. Тој и неговата сопруга Славица добија ќерка.

Радосната вест Јордан ја сподели на својот фејсбук-профил и тоа далеку од дома, преку океанот. Пејачот во моментов е на турнеја низ Австралија.

„20 години патувам низ светот и на многу турнеи Господ ме дарува со благодети, но на оваа турнеја Господ ми го даде најголемиот дар, ми се роди ќерка. Добредојде ќерко“, напиша пејачот.

Јордан Митев долго време е дел од фолк-сцената и важи за еден од омилените пејачи на публиката. Зад себе има еден куп песни, албуми и концерти.

Инаку, ова е прво дете на парот. Пејачот пред шест години се ожени со Славица и иако таа живееше во Австралија, поради љубовта реши да се врати во родниот крај.