Секој кој редовно пегла знае колку е фрустрирачки кога ткаенината се лепи за металната плоча на пеглата.

Трагите од загорениот материјал не само што ја уништуваат облеката, туку можат да ја оштетат и пеглата. За среќа, постојат неколку практични и едноставни методи за вашата пегла да се исчисти и повторно да блесне како нова, без потреба од скапи средства.

Отстранете ги остатоците од ткаенината

Прво и најважно, исклучете ја пеглата од струја и оставете ја целосно да се олади. Потоа со пинцета внимателно отстранете ги остатоците од ткаенината залепена на грејната плоча.

Ако станува збор за пластика, која е особено незгодна, има еден трик, ставете ја оладената пегла со металната страна надолу во сад со коцки мраз.

Кога пластиката ќе се стврдне, внимателно изгребете ја со пластичен нож, никако со метален нож за да избегнете гребење на површината. На крај, избришете ја со влажна крпа.

Сода бикарбона и вода

Направете паста од две лажици сода бикарбона и една лажица вода, а потоа нанесете ја на ладната површина на пеглата. Истријте ја со мека крпа или со сунѓер.

Овој метод е одличен за нечистотија и наслаги, но внимавајте да не влезе сода бикарбона во отворите за пареа, бидејќи може да го затне системот.

Оцет

За многу извалкани површини, алкохолниот оцет или хидрогенот (3%) ќе помогнат. Потопете ја крпата и ставете ја пеглата (исклучена) со металната страна надолу да отстои на таа подлога најмалку 30 минути.

Потоа избришете ја со крпа. Ако трагите сè уште се таму, пробајте со памук натопен во ацетон, но бидете внимателни бидејќи ацетонот е многу силен растворувач.

Восок и пареа

Загрејте ја пеглата, исклучете ја и втријте ја восочната свеќа директно на извалканата површина. Потоа ставете стара, влажна крпа врз неа и поминете со пеглата преку неа неколку пати додека е вклучена. Топлината и пареата ќе му помогнат на восокот да се залепи за нечистотијата и таа да остане на крпата.