Актерот Педро Паскал, чија сестра Лукс неодамна се признесе како трансродова, го поддржа на повикот на активистот Тарик Рауф на Инстаграм да се бојкотираат сите идни проекти кои го вклучуваат ликот на Хари Потер.

Педро Паскал под оваа објава напишал коментар во кој авторката на Хари Потер,  Џ.К. Роулинг ја нарекол „одвратна губитничка“, а својата поддршка за трансродовата заедница неодамна ја покажал на премиерата на филмот „Громови„(Thunderbolts) во Лондон, облечен во маица со натпис „Заштитете ги куклите“ (Protect The Dolls).

Пресудата на Врховниот суд на Велика Британија минатата недела донесе одлука дека според Законот за еднаквост од 2010 година, терминот „жена“ се однесува исклучиво на биолошки жени. Роулинг, која наводно ја финансирала кампањата што довела до оваа тужба, објавила фотографија на социјалните мрежи како ја слави пресудата на јахта вредна 150 милиони долари, со цигара во рака, пренесе „Индепендент“.

По оваа објава, активистот Тарик Рауф, ја повика јавноста „да се погрижи секој проект поврзан со Хари Потер да пропадне“, нарекувајќи ја нејзината прослава „одвратна“.

Паскал се согласил со тие зборови и прокоментирал: „Одвратно, апсолутно точно. Однесување на одвратна губитничка“.

Ова не е прв пат Педро Паскал јавно да ја поддржува трансродовата заедница. Претходно оваа година, тој сподели цитат на својот Инстаграм профил:

„Свет без транс луѓе никогаш не постоел и нема да има“. Во описот тој додаде: „Не можам да замислам ништо повеќе гнасно и попатетично од злоупотребата на најмалата и најранлива заедница на луѓе кои не бараат ништо повеќе од правото на постоење“.

Сестрата на Педро, Лукс, која има 32 години, го објави својот идентитет и почна да се менува во 2021 година.

Актерот во неколку наврати изјави дека е заштитнички настроен, но и дека таа е „неверојатно силна личност“ и дека повеќе му треба таа нему, отколку тој на неа.

Во едно неодамнешно интервју, тој изјавил:

„Не сакам да зборувам за неа, но таа отсекогаш беше една од најсилните луѓе што ги познавам. Мојот заштитнички инстинкт е убиец, но таа ми треба повеќе отколку јас на неа што и требам“.

Одлуката на судот донесен минатата среда значи дека жените се дефинирани исклучиво според нивниот биолошки пол, што значи дека трансродовите жени, дури и ако имаат сертификат за промена на полот, законски не се жени.

Пресудата предизвика жестоки реакции кај транс активистите и бројни јавни личности. Многу актери од франшизата за Хари Потер повторно се оддалечија од Роулинг и ја поддржаа транс заедницата, а меѓу нив Даниел Редклиф, Ема Вотсон и Руперт Гринт.