Печурка тешка над еден килограм пронајдена во Делчевско
Младиот Бојан Ѓорѓиевски е среќникот кој печурката од сортата „вргањ“, ја пронашол во атарот на делчевското село Бигла и ова му е првпат да пронајде толку голема печурка.
Во делчевскиот регион пронајдена печурка со тежина од над еден килограм и периметар од близу половина метар, што ја прави една од поголемите пронајдени на ова подрачје годинава. Младиот Бојан Ѓорѓиевски е среќникот кој печурката од сортата „вргањ“, ја пронашол во атарот на делчевското село Бигла и ова му е првпат да пронајде толку голема печурка.
Препорачано
-
1
-
2
-
3
-Печурката ја пронајдов во атарот на село Бигла, маало Павлевци. Прво мислев дека е нешто друго, но кога се приближив испадна голема печурка. Капата на печурката беше со поголем обем, така што ми требаше поголем напор да ја извадам за да не биде оштетена. Печурката потоа ја оставив за сушење, за да биде продадена по поголема цена, вели Ѓорѓиевски.
Сезоната на печурки е во тек и во наредниот период, како што додава тој, се очекува уште поголем наплив на печурките.
-Јас сум трета година гимназија и уште од мал научив да ги познавам печурките. Тие секогаш никнуваат по дожд, а бидејки изминатата недела речиси секојдневно имаше врнежи, во наредниот период се очекува да има доста печурки. Најчесто собирам ,,вргањ” поради повисоката цена, а се случува да најдам и лисичарка и јајчарка кои се доста застапени во нашиот крај, додава Ѓорѓиевски.
