Германското Здружение за воздушен транспорт (БДЛ) денеска објави дека 80 луѓе ги загубиле животите во воздушниот транспорт во 2023 година, вклучително и осум членови на екипажот, што е втор најмал број од 1970 година. Статистиката вклучува авиони со капацитет од најмалку 14 седишта.

Бројките се уште поимпресивни ако се земе предвид бројката на Меѓународната организација за цивилно воздухопловство (ИЦАО) од 4,6 милијарди патници минатата година. Тоа значи дека во 2023 година имало 14 пати повеќе авионски патувања отколку во 1970 година и покажува дека воздушниот сообраќај стана значително побезбеден.

Во деведесеттите години, повеќе од илјада луѓе ги губеле своите животи секоја година. БДЛ ги анализираше податоците само за патничките авиони, а оние од помалите авиони сè уште не се вклучени во конечниот број. Не беа вклучени и несреќите на воените авиони.

Најголем дел од жртвите од минатата година се во авионот што се урна во Непал на самиот почеток на 2023. Тогаш животот го загубија сите 72 патници, меѓу кои и четворица членови на екипажот.