Пат со дупки предизвикал „чудесно закрепнување“ на 56-годишна пациентка во Романија, објави романската ТВ Диги 24.

На жената и било констатирано заплеткување на цревата и ѝ била потребна операција. Сепак, пациентката од градот Залау, округот Сулај во северозападна Романија, побарала транспорт со брза помош во болницата во Брашов, каде што претходно била лекувана.

Растојанието помеѓу двата града е 356 километри, а апликациите за патување даваат проценето време на патување од 5 часа и 10 минути.

Помеѓу градовите Сигишоара и Брашов имало многу дупки на патот, а благодарение на вибрациите жената се опорави, јавува Диги 24.

По пристигнувањето во болницата во Брашов, лекарите констатирале дека пациентката повеќе нема преплет на цревата и операцијата е откажана.