Ерменија се надева дека ќе склучи мировен договор со Азербејџан и ќе воспостави дипломатски односи со Баку во наредните месеци, изјави ерменскиот премиер Никол Пашињан.

Тој ја даде оваа изјава на форум во главниот град на Грузија, Тбилиси.

Пашињан додаде дека Ерменија се надева оти ќе ја отвори границата со Турција, близок сојузник на Азербејџан, за државјани на трети земји.

Изјавата доаѓа во време на напорите да се зајакне мирот во нестабилниот регион на Јужен Кавказ, откако Азербејџан минатиот месец го зазеде спорниот регион Нагорно-Карабах, признаен од меѓународната заедница како дел од нејзината територија, но од 1990-тите управуван од ерменските сепаратисти.