Кошаркарите на Паритзан по серијата лоши резултати започнуваат да играат нешто подобро и за првпат оваа сезона „црно-белите“ се во серија од три победи во низа во Евролигата.

Вечерва Партизан на свој терен беше подобар од Жалгирис со 84:78 во рамките од 13. коло и во овој момент е на биланс од 5/8. Добрата серија за Партизан започна по победата над Црвена Звезда.

Денешниот натпревар донесе исклучително израмнета игра и колку беше неизвесно најдобро зборува податокот дека ниту една од екипата не направи поголема предност од осум поени.

Во еден таков дуел на крајот на победа се радуваа избраниците на Жељко Обрадовиќ. Карлик Џоунс со 19 поени беше прво име кај победникот, додека кај поразените Лони Вокер заврши со 26 поени.

ОСТАНАТИ РЕЗУЛТАТИ:

Анадолу Ефес – Баерн 101-90
Асвел – Реал 80-78
Макаби – Париз 81-93
Панатинаикос – Барселона 90-89
Басконија – Фенербахче 88-76