Претседателот на крилото на Алијанса за Албанците, Зијадин Села, најави дека на локалните избори наесен неговата партија ќе трча со свои кандидати во три општини – Струга, Дебар и Арачиново.

Кандидат за Струга на Села е лекарот-уролог Арсим Далипи, за Дебар ќе трча професорот Илиријан Фетаху, додека за Арачиново е кандидиран Скендер Исуфи.

Според Села, давањето на гласот за коалицијата „Европски фронт“ ќе го „намали влијанието од Србија и од други“ и затоа е важно да се одржи овој „референдум“ преку кој гласачите Албанци јасно ќе го искажат нивниот став.

Претходно, лидерот на другото крило на АА, Арбен Таравари соопшти, дека неговата партија ќе оди со четворица кандидати за градоначалници, и тоа во Гостивар, Сарај, Теарце и во Врапчиште. Тој и Села сега се најдоа во ист табор, откако лани, пред изборите, бурно се разделија.

Башким Бакиу е кандидатот на „Вреди“ за Скопје, во Струга ќе го поддржат независниот Менди Ќира