Партијата на Аријанит Хоџа, Европска демократска партија стана дел од власта. Владата вчера го именува Ведат Османи за нов директор на Агенцијата за вработување на местото на досегашниот директор Беким Мурати кој е кадар на ДУИ. Од партијата на Хоџа ни потврдија дека ја добиле директорската позиција во Агенцијата. Според информациите, не се исклучува можноста ЕДП да добие и други раководни позиции. Висок функционер од партијата вели дека во следните недели ќе се прецизираат деталите дали на претстојните парламентарни избори ЕДП ќе настапи со Европскиот фронт.

Партијата на Хоџа во Собранието е застапена со еден пратеник Бастри Бајрами откако тој и сопартиецот ја напуштија Беса и формираа партија. Европска демократска партија е формирана во август лани откако лидерот на Беса Билал Касами заедно со Изет Меџити од „огнените“ и Африм Гаши од Алтернатива соопштија дека создаваат заеднички опозициски фронт.