Јувентус во Серија А заостанува 10 бодови зад првопласираниот Интер, а синоќа беше елиминиран од Лигата на шампионите уште во осминафиналната фаза од Порто.

Веднаш после реванш натпреварот со португалскиот клуб, новинарите му поставија прашање на директорот на „Старата дама“, Фабио Паратичи, дали уште една рана елиминација од ЛШ ќе влијае на судбината на еден од најдобрите фудбалери на сите времиња.

– Кристијано има уште една година од договорот. Во овој момент, продолжување на соработката со него не е на врвот на приоритетите. Има време да се зборува за тоа – рече Паратичи.

Тешко е да се каже што може да значи тоа, по елиминацијата од елитното европско клупско натпреварување минатата сезона во истата фаза сè погласни беа шпекулациите за можно заминување на Португалецот од Торино.

Сега ситуацијата е уште потешка, италијанските медиуми инсистираат на тоа дека тој е најголемиот виновник за ваквите резултати, а наводно играчот не би имал ништо против да ја напушти Италија следното лето.

ВИДЕО: Луд натпревар во Торино, два гола во продолженијата – Порто го шокира Јувентус