Параглајдерист од странство, кој летал кај Крушево, останал закачен на дрво во кое удрил и се повредил, соопшти ДЗС, информирајќи дека екипи на Дирекцијата за заштита и спасување се испратени на местото за да го спасат човекот.

„Денес доцна попладне од страна на полициската станица Крушево бевме информирани дека странски државјанин, додека летал со параглајдер удрил во дрво високо над 30 метри, од ударот се здобил со повреди и останал да виси на дрвото“, извести директорот на ДЗС, Стојанче Ангелов.

„Несреќата се случила во близина на Крушево. Бидејки локалните сили не можеле да го симнат повредениот параглајдерист итно е активиран тимот за спасување на планина на Дирекцијата за заштита и спасување кој во моментов се движи кон местото на несреќата“, вели Ангелов.