Папата Лав XIV предложи одржување мировни преговори меѓу Украина и Русија во Ватикан, откако главните актери во конфликтот не се собраа на состанокот во Истанбул, објави Политико.

Откако рускиот претседател Владимир Путин не се појави на мировните преговори во Турција што ги предложи, Ватикан го нарече исходот „трагичен“ и рече дека папата Лав XIV сакал да посредува меѓу двете страни во обид да се стави крај на војната.

„Сè е трагично затоа што се надевавме дека тоа ќе биде бавен процес, но со мирно решавање на конфликтот, а наместо тоа се вративме на почетокот“, изјави денес кардиналот Пјетро Паролин, висок дипломат на Светата столица, пред новинарите во Рим.