Папата Франциск денеска ги критикуваше двојките кои одлучуваат да немаат деца, јави ДПА.

-Премногу двојки немаат деца затоа што не сакаат, или имаат само едно затоа што не сакаат повеќе, изјави 85-годишниот свет отец пред голем број верници во Ватикан.

Препорачано

• 1
  Овие 11 растенија според фенг шуи носат среќа и изобилство во вашиот живот и дом: Привлекуваат пари и ја блокираат негативната енергија
• 2
  Три моќни совети за подобар секс: Гарантирано задоволство за двајцата партнери
• 3
  Како ве доживуваат другите хороскопски знаци: Хороскопот открива зошто на луѓето понекогаш им е тешко да ве разберат

Прикажи повеќе вести

„Но, тие имаат две кучиња, две мачки. Кучињата и мачките го заземаат местото на децата. Да, ве разбирам, тие ве насмевнуваат, но тоа е реалноста”, продолжи лидерот на Католичката црква, пренесе германската агенција.

Цивилизацијата старее и нема хуманост бидејќи се губи богатството на родителството, предупреди тој.

-Оние кои живеат во светот и стапуваат во брак мора да размислуваат да имаат деца, нагласи понтифот.

Да се има деца по природен пат или преку посвојување е ризик, но немањето е уште поризично, додаде тој.

Папата минатата недела кажа дека Италија се соочува со „демографска зима”, кога беа објавени бројките за наталитетот во земјата, а од кој се виде дека тој повторно опаднал.