„Чудно е што по 20 години вработувањето по етнички клуч некој го постави на Уставен суд, можеби сметаат дека е дојдено време да се укине, па ајде како да го укинеме, најлесно е преку Уставниот суд“, рече Никола Пановски од Либерално-демократската партија во вечерашното издание на „Само вистина“ на телевизијата Канал 5.

„Кај нас прво е политиката, па националноста и верата, а потоа струката. Не може тројца само заради тоа што се од друга нација да гласаат против иницијативата за преиспитување на „балансерот“. Ако е уставен, е уставен, ако не е уставен, не е. Замислете тоа во медицината да биде ние сме да се оперираме -ние не сме зошто сме од оваа нација, тие од таа. Во голем дел од општините во Македонија не е двојазичност, на еден се пишува, го нема Македонскиот јазик, во мали села нема кирилица. Има знамиња, но не национални. Ако се донесе двојазичност, таа треба да се почитува, можеби нема Македонци, но се знае кој е официјалниот јазик со кој се разбираме, тој мора да биде застапен. Законот не се почитува“, рече Пановски.