Капитенот на македонската фудбалска репрезентација Горан Пандев влезе во историјата на македонскиот фудбал како играч кој не однесе на Европското првенство. Токму капитенот со гол во 56. минута ја круниса фантастичната акција на Елис Елмас и Илија Несторовски.

37-годишниот Пандев ја исполни желбата, да се пензионира по настап на големо натпреварување, Европското првенство. Пандев на крајот од минатата сезоната, изјави дека идната година ќе се пензионира и сака тоа да биде во дресот на Македонија на ЕП. Денеска желбата му се исполни.

– Пресреќен сум. Имам одиграмно многу вакви мечеви и мислам дека со моето искуство помогнав за да напишеме историја, да постигнеме ваков успех. Јас дадов се од себе, имам најмногу важни натпревари од сите во репрезентацијата, затоа и седнав со нив, ги советував. Одигравме мирно, не дозволивме да влеземе во еуфорија, особено во второто полувреме бевме одлични – изјави Пандев.