Претседателот на Единствена Србија, Драган Марковиќ Палма, денес рече дека лидерите на Србија, Македонија и Албанија, Александар Вучиќ, Зоран Заев и Еди Рама „заслужуваат Нобелова награда за мир“ поради иницијативата „Отворен Балкан“, пренесува Бета.

Според него ова е најважната спогодба во последните 70 години со која „се обезбедува мир на Балканот“.

-Каде што има економија, нема војна. Отворен Балкан обезбедува слободен проток на луѓе и стоки, но пред сѐ обезбедува мир на овие простори, а особено меѓу Србите и Албанците, изјави Палма, а пренесува Бета.

Според него, на иницијативата би требало да се приклучат и Сараево и Приштина.