Вчера попладне, 83-годишна жена од Скопје пријавила дека била измамена за сума од 50.000 денари, кои му ги дала на измамник кој ја прелажал дека нејзината ќерка прегазила дете и дека парите треба да се платат за таа да не оди во затвор.

„На 12.02.2025 во 18.00 часот во СВР Скопје, 83-годишна жена од Скопје пријавила дека била измамена од едно лице за сума од 50.000 денари. Според пријавеното, едно лице ѝ се јавило телефонски и ѝ кажало дека нејзината ќерка предизвикала сообраќајна несреќа во која прегазила дете мигрант, кое починало, и доколку не сака таа да лежи во затвор требало да плати. Како што е пријавено, таа ги оставила парите на договореното место, а откако се слушнала со нејзината ќерка, сфатила дека била измамена. Се преземаат мерки за расчистување на случајот“, велат од МВР.

Ова е последниот од десетината вакви случаи на успешни измами во Скопје и Куманово во изминатиот месец. Полицијата денеска соопшти дека во Куманово е уапсен 59-годишен измамник од Бугарија, кој на сличен начин успеал да „олесни“ неколкумина жители на градот.

Приведен Бугарин кој мамел постари лица со наводни сообраќајни несреќи