Надворешната трговија на Албанија постојано се намалува од почетокот на годинава. Податоците покажуваат дека извозот продолжил да опаѓа и во август, што и донело помал приход на Албанија. Извозот чинел 27 милијарди леки и бележи пад од 22 отсто во однос на истиот период од претходната година, пренесува Телеграфи. Продлабочувањето на падот во август ги влоши резултатите за целиот  8-месечен период.

Според ИНСТАТ, во овој осуммесечен период, извозот на стоки достигнал вредност од 300 милијарди леки што е намалување за 9 отсто во однос на пред една година. Ова е најдлабокиот месечен пад оваа година и најсилен од 2020 година, кога извозниците претрпеа најмногу од сите последици од пандемијата.