Холандската влада падна, соопшти премиерот Дик Шуф по речиси двочасовен состанок на кабинетот. По оваа одлука, следуваат нови парламентарни избори, бидејќи сите министри од Партијата за слобода поднесоа оставки, објавија холандските медиуми.

Шуф, по состанокот објави дека следниот чекор ќе биде да оди во кралската палата во Хаг, каде што ќе му ја достави оставката на  кралот. Од тој момент, министрите ќе продолжат да ги извршуваат само тековните работи.

Партијата на Вилдерс ја напушти владејачката холандска коалиција

Владата предводена од Шуф, започна со работа на 2 јули минатата година, но не траеше ниту една година. Холандскиот премиер рече дека ќе остане на функцијата како „премиер-министер“ и дека ќе продолжи да соработува со министрите од коалициските партии за решавање на клучните прашања, како што се меѓународните закани, трговската војна со САД и домашните проблеми во Холандија.

Тој смета дека повлекувањето на Партијата за слобода е „неодговорно и непотребно“, нагласувајќи дека владата е потребна за да продолжи да работи и да се справи со актуелните предизвици.