Акциите на „Тесла“ нагло паднаа на њујоршката берза по жестоките критики кои ги упатија еден кон друг американскиот претседател Доналд Трамп и сопственикот на компанијата за електрични возила Елон Маск.

Акциите на „Тесла“ паднаа за 8,64 проценти, на 303,35 долари, пренесува Агенцијата Франс Прес.

Трамп денес остро го критикуваше својот поранешен советник Маск.

Претседателот на САД рече дека не знае дали неговата врска со Маск ќе продолжи, додавајќи дека е „многу разочаран“ од критиките на мултимилијардерот за неговиот предлог за буџетски закон.

„Елон и јас имавме добри односи. Не знам дали тоа е сè уште случај. Бев изненаден“, им рече Трамп на новинарите во Овалната соба, откако Маск го нарече законот „одвратен“.

Маск одговори на критиките на Трамп наведувајќи дека тоа е „глупост“ и дека да не била неговата поддршка, Трамп ќе ги изгубел изборите во 2024 година.

Маск му одговори на Трамп: „Без мене ќе ги изгубеше изборите“