Тоа што се очекуваше денеска го потврди сопственикот на Мото ГП, компанијата Дорна, тие објавија дека уште три трки отпаднаа од календарот за оваа година.

Станува збор за трките за Големата награда на Аргентина, Тајланд и Малезија и наместо „финалето“ во Мото ГП шампионатот ќе биде на европско тло. засега не е познато каде ќе се вози последната трка.

Сезоната во Мото ГП шампионатот продолжува на 9. август со трката во Брно за Големата награда на Чешка, а до крајот ќе се извозат уште 12 трки, не сметајќи ја таа што треба да биде последна и не е дефинирано на која патека ќе се одржи.

По две трки во оваа сезона, лидер во генералниот пласман изненадувачки е младиот Французин Фабио Квартараро кој победи на двете трки, а по него следат Маверик Вињалес и Андреа Довициозо.