Во својот бестселер „Greenlights“, Метју Меконахи, меѓу другото, зборува и за комплицираниот однос меѓу неговите родители Кеј и Џим Меконахи, но и за тоа како креативноста и слободата што му ја дале неговите родители го обликувале во човек и актер каков што е денес. Иако врската меѓу Кеј и Џим била турбулентна, Метју секогаш нагласува дека неговите родители му биле огромна поддршка и инспирација.

„Му испратив покана за мојата свадба“

Кеј, која сега има 93 години, открива зошто трипати се омажила и се разведувала со таткото на Метју. Во интервју за Austin Lifestyle, Кеј сподели детали за нејзината необична љубовна приказна со Џим. И покрај тоа што се познавале уште од факултет и биле лудо вљубени еден во друг, Џим не можел да одлучи дали сака да се ожени. Но, Кеј решила да преземе иницијатива и му испратила необичен ултиматум.

„Мекконахи не можеше да одлучи дали сака да се ожени или не. Го запознав на факултет и бевме многу блиски, но тој едноставно не можеше да одлучи. Знаев дека ме сака, но ако не се венчавме, можев да се вратам во Њујорк и да се занимавам со манекенство. Затоа му испратив покана за неговата свадба и му реков: Ако можеш да дојдеш, одлично, но ако не се појавиш на олтарот, тогаш е готово и одам во Њујорк. Тој сепак се појави. Не дека не ме сакаше, едноставно не можеше да одлучи. Мислам дека тој тогаш не сакаше да се ожени, но јас сакав“, се сеќава Кеј.

Џим, се разбира, се појавил на венчавката и нивната љубовна приказна продолжила, но не без пречки.

Три свадби, три разводи

Кеј и Џим имале навистина комплицирана врска, што довело до тоа да се венчаат и да се разведат три пати.

„Имав три традиционални свадби: една во презвитеријанска црква, една во католичка црква и една во методистичка црква“, објасни Кеј.

Џим Меконахи починал во 1992 година, но Кеј по него повторно нашла љубов. Таа била во врска со маж по име Ц.Ј. цели 17 години, додека тој не умрел од леукемија. Но, сепак Кеј никогаш не се премажила.

„Никогаш не сакав. Бев едноставно пресреќна што имав двајца мажи во мојот живот кои навистина, навистина ги сакав“, изјави 93-годишната Кеј.

Таа исто така откри дека се радува на „уште една добра година со добро здравје, бидејќи планирам да живеам до 98-та година“. Едноставно го избрав тој број. Мислам дека тоа е убава бројка затоа што, ако остариш премногу, не можеш да се движиш и умот не ти е во добра форма, тогаш која е поентата?“