И покрај тоа што секогаш внимателно ја избирала секоја своја улога, Џулија Робертс призна дека навистина жали што снимила еден филм. Станува збор за филмот „Да се умре млад“ (Dying Young) од 1991 година.

„Да се умре млад“ е романтична драма во која Робертс ја игра Хилари О’Нил, млада жена која му станува негувателка на Виктор Гедес (Кембел Скот), богат млад човек кој боледува од леукемија. И покрај статусот на ѕвезда што го имаше Џулија Робертс, како и очекувањата дека филмот ќе биде хит, „Да се умре млад“ не го постигна посакуваниот успех на бокс офисот.

Во интервју за Entertainment Weekly, Робертс го коментираше тој неуспех:

„Фасцинантно е како луѓето зборуваат за филмот како за промашување. Само затоа што филмот не заработи повеќе од 100 милиони долари, веднаш беше бомбастично означен како неуспешен.“

Актерката застана во одбрана на филмот, посочувајќи дека заработил 33 милиони долари, што таа го смета за значителен износ.

И покрај тоа, Џулија призна дека не е целосно задоволна од конечниот резултат на филмот.

„Имавме многу снимен материјал што не влезе во филмот“, рече таа, сугерирајќи дека можеби имало подобра верзија на филмот што никогаш не ја виде светлината на денот.