Денеска официјално е пуштена во употреба новата сензорна соба и кабинетот за информатика наменет за учениците од основното училиште „Александар Македонски“ во општина Аеродром.

Градоначалникот Тимчо Муцунски на Фејсбук потенцираше дека станува збор за инвестиција која е донација од општествено-одговорни компании, со чија поддршка образовниот процес станува достапен за дечињата со попреченост, а компјутерската технологија поблиска до учениците.

Тој упати благодарност до приватните компании, просветните работници и сите оние кои даваат свој придонес за инклузивно, модерно и квалитетно образование во Аеродром.