Градоначалникот на општина Центар Горан Герасимовски и лидерот на СДСМ, Венко Филипче денеска присуствуваа на отворањето на новата детска градинка „Пролет“.

Градинката се наоѓа на улицата „Мирче Ацев“ бр. 102 во населбата Пролет, а нејзината изградба започна во 2022 година и е целосно финансирана од буџетот на Општина Центар.

Герасимовски пред два дена во интервју за МТВ го најави отворањето на првата градинка во општината по 50 години, која, како што кажа е изградена по најсовремени стандарди.

„Добиваме една нова, модерна и урбана градинка, можам слободно да кажам не само најубава на територија на Скопје, туку и на територија на целата држава. 173 дечиња ќе бидат згрижени, во 9 занимални, во 3200 квадратни метри, со одличен двор. Употребени се најквалитетни материјали. Искрено сум пресреќен што успеавме меѓу малкуте општини во еден мандат да се отпочне и заврши една детска градинка што е редок случај во државата, за жал. Обично се отпочнуваат, но изградбите на такви големи капитални проекти траат и повеќе од еден мандат“, рече Герасимовски.

Герасимовски ја најави првата нова градинка во Центар по 50 години