Еден од најдобрите фудбалери на ПСЖ, Мароканецот Ашраф Хакими е обвинет за силување.

Денес „Ле Паризиен“ објави дека полицијата отворила истрага против фудбалерот откако 24-годишна девојка го пријавила во полицијата. Девојката како што објави францускиот медиум, дала исказ во полицијата, но не поднела тужба за сексуално насилство.

Сепак, по службена должност обвинителството отворило истрага, а настанот наводно се случил во домот на фудбалерот. Исказот на девојката бил дека Хакими ја повикал во неговиот дом додека неговата сопруга и децата биле во Дубаи. Девојката ја прифатила поканата и пристигнала со Убер такси кое фудбалерот го платил.

Во последниот период ваквите појави станаа се почести, Дани Алвеш во овој момент е во притвор поради исто обвинување, познат е случајот на Мејсон Гринвуд, додека претходно со такви проблеми се соочуваше Бенџамин Менди.