Јелена Величковиќ, сопруга на исчезнатиот навивач Горан Величковиќ Гокси (33), им потврдила на истражителите дека на фотографиите објавени од Министерството за внатрешни работи, ги препознала деловите на телото на нејзиниот сопруг, за кого се сомнева дека е обезглавен и заклан од кланот на Вељко Беливук.

Горан Величковиќ, навивач на групата Партизановци, исчезна на 3 август минатата година во центарот на Белград.

По апсењето на криминалниот клан на почетокот на февруари, во наредбата за истрага се наведува дека оваа организирана група е обвинета за примамување на Величковиќ во викенд куќа во Ритопек, каде што бил пренесен од неговиот познаник Вук Вучиниќ и дека наводно бил брутално претепан таму.

Таа им објаснила на инспекторите дека на кобниот август ден, нејзиниот сопруг ја одвел до улицата Вишеградска, бидејќи тој и рекол дека треба да се сретне со некој другар, но дека наскоро ќе се врати дома, но после тоа мистериозно исчезнува.

Јелена објаснила дека ден по исчезнувањето на нејзиниот сопруг, отишла во полиција, а на 5 август официјално го пријавила неговото исчезнување.

ДНК траги од Горан Величковиќ, наводно, биле пронајдени во хорор викенд куќата во Ритопек, па истражителите се сомневаат дека токму таму тој е убиен.