Научниците создадоа целосен модел на човечки ембрион од матични клетки во лабораторија и ги одгледуваа надвор од матка, при истражувањето што го отвора патот за напредок во плодноста, фармацевтските тестирања и трансплантации, пишува „Гардијан“.

Малите топчиња од ткиво кои се создадени без јајце клетки и спрема, се направени со комбинирање на матични клетки кои се наредени во структури, што ја имитираат 3Д организацијата на сите познати карактеристики пронајдени во човечки ембриони, стари од една до две недели.

„Ова е првиот модел на ембрион кој има структурна организација и морфолошка сличност со човечкиот ембрион на 14-тиот ден. На две недели, топчињата од клетки беа широки околу половина милиметар“, вели професорот Јакоб Хана, кој го предводеше истражувањето во Институтот Вајцман во Израел.

Научниците од оваа област веќе објавија низа трудови во последниве месеци, кои успеаја да комбинираат матични клетки, за да создадат структури слични на човечки ембрион без потреба од јајце клетки или сперматозоиди.

Иако малите структури не се идентични со човечките ембриони, научниците се надеваат дека наскоро ќе бидат доволно добри за да помогнат во расветлувањето на мистериите на најраните фази на човековиот развој и засега непознатите причини за спонтан абортус.

Разбирањето на развојот на ембрионот – особено од две недели во утробата – е само една област каде што научниците гледаат дека моделите на ембриони имаат влијание.

Друго сценарио кое д-р Хана го предвидува е создавањето модел и на ембриони од клетките на кожата на болните пациенти. Одгледувајте ги моделите на ембриони за еден месец или нешто повеќе, тие ќе почнат да развиваат органи кои можат да се користат како извор на клетки за трансплантација на пациентите.

Тој вели дека пред да одгледуваат модел на ембрион за донорско ткиво, научниците би требало да ја изменат неговата генетика, за да се осигураат дека тој нема да развие мозок или нервен систем,.

По ова откритие, научниците имаат на ум да користат модели на ембриони за да го проценат веројатното влијание на лековите врз вистинските човечки ембриони. Бидејќи бремените жени често се исклучени од клиничките испитувања, лекарите немаат доволно инфомрации за несаканите ефекти, дури и на некои од најчестите третмани кај бремени жени и бебиња.

Во студијата објавена во „Нејчр“ („Nature“), начниците опишуваат како изградиле процедури од минатата година за да создадат модели на ембриони на глувци. Тие измешале „наивни“ човечки матични клетки, кои се способни да се претворат во различни типови на клетки, и откриле дека околу 1 отсто се наредени во „целосни“ структури слични на ембрионот.

Тие продолжиле да развиваат плацента, жолчна кеса, надворешна мембрана наречена хорионска кеса и други карактеристики што се очекуваат кај човечки ембриони на иста возраст.

Свежо направените модели на ембриони се еквивалентни на човечки ембриони стари една недела и се одгледуваат во лабораторија уште една недела. Поради нивната возраст во создавањето, д-р Хана вели дека е „биолошки невозможно“ за нив да се имплантираат во утробата.

Сепак, научниците користеле тест за бременост, за да проценат колку добро растеле ембрионите на моделот, па кога течноста од садот била ставена на тест лента, таа покажала позитивен резултат.

Д-р Питер Руг-Ган, кој го проучува ембрионалниот развој на Институтот Бабрахам во близина на Кембриџ, вели дека работата е „импресивна“ и „значајна“, но истакна дека не се совршено реплицирани сите карактеристики на раните човечки ембриони.

„Овој модел на ембрион нема да може да се развие доколку се пренесе во утроба, бидејќи ја заобиколува фазата потребна за прицврстување на слузницата на матката“, рече Раг-Ган.

Истражувањето и сличните студии покренуваат важни етички размислувања. Во тек е темелна евалуација и дискусии за оваа важна тема, преку проектот „Управување со модели на ембриони базирани на матични клетки“.

Историски успех: Создаден синтетички ембрион на човек, но нема да има бебиња од лаборатории