Македонскиот репрезентативец Енис Барди лесно може да се случи ова лето да го напушти Леванте и да се пресели во далеку посилен тим. Вчера шпанските медиуми објавија дека Арсенал, Фиорентина и еден тим од Бундеслигата се заинтересирани да го ангажираат одличниот македонски репрезентативец.

Засега единствен тим кој доставил официјална понуда е англискиот гигант Арсенал, а денеска позната е и сумата. „Топчиите“ и нинвниот менаџер Микел Артера кој инсистира на ангажман на Барди, понудиле 20 милиони евра. Оваа сума е за пет милиони евра помала од таа што ја бара Леванте, но за очекување е со вклучувањето во трката и на Фиорентина, шпанскиот тим да ја добие бараната сума.

Леванте го купи Барди од Ујпеш за само 1,5 милиони евра, тоа значи дека и да го продадат за 20 милиони ќе заработат повеќе од 13 пати отколку што го купиле.

Арсенал не е единствениот заинтересиран за Барди, за македонскиот репрезентативец се интересираат и Фиорентина и Ајнтрахт Франкфурт.