Кралицата Камила се повлече од функцијата минатата недела поради инфекција на градниот кош. Таа го пропушти „Фестивалот на сеќавањето“ и церемонијата на давање почести на војниците кои загинале во Првата светска војна, минатиот викенд со цел целосно да се опорави и да не ги изложи другите на ризик. А, сега извор близок до палатата откри што се случува со сопругата на кралот Чарлс, пишува „Скај њус“.

Имено, британската кралица денеска се врати на должност. Таа денеска беше на доделувањето на Букеровата награда во Кларенс Хаус, но останала пократко од планираното. Исто така, утре треба да се појави на прием во палатата со кралот Чарлс на настан посветен на британската филмска и ТВ индустрија, но нема да остане до крајот на настанот. Иако таа ќе присуствува на прием во палатата, Камила ќе ја пропушти премиерата на „Гладијатор II“ истиот ден за да се посвети на закрепнувањето, изјавил кралски извор.

Се верува дека промените во нејзиниот распоред се направени за да ја заштитат и да дадат приоритет на нејзиното континуирано закрепнување, бидејќи лекарите сакаат да избегнат какви било компликации предизвикани од сезонската болест.

На кралицата Камила ѝ беше тешко што не можеше да се појави на важните настани минатиот викенд. Чарлс Трети беше придружуван од неговата сестра принцезата Ана, која се грижеше за нејзиниот брат кој се бори со ракот. Исто така, Кејт Мидлтон се појави на двата настани во Лондон и два дена по ред изврши важни ангажмани, речиси една година откако беше оперирана во британската престолнина и седум и пол месеци по објавата дека боледува од рак.

Здравјето на Кралот Чарлс се влошува, активирана „Операцијата Менаи Бриџ“ за кралскиот погреб