Напаѓачот на Ипсвич, Лиам Делап, игра одлично оваа сезона, а следната година би можел да игра за друг клуб од Премиер лигата.

Денеска беа откриени информации за неговата откупна клаузула, но таа беше поставена само во случај Ипсвич да испадне во Чемпионшип.

Доколку фудбалерите на Ипсвич не обезбедат опстанок, Делап ќе биде достапен за „само“ 40 милиони фунти.

Делап има 22 години и минатото лето пристигна во Ипсвич од Манчестер сити за 18 милиони евра. Тоа се покажа како вистински потег, бидејќи Ипсвич сега може да заработи речиси два и пол пати повеќе.

Англиските медиуми откриваат дека Делап го следат половина тимови од Премиер лигата, вклучувајќи ги и Ливерпул и Арсенал. Делап оваа сезона постигна 10 голови и забележа две асистенции на 28 натпревари во Премиер лигата.