Летниот музички фестивал на Казертската палата денес објави дека концертот закажан за 27 јули од познатиот руски диригент Валериј Гергиев е откажан, по бранот реакции на неговиот прорежимски став во врска со војната во Украина.

Јулија Навалнаја, вдовица на рускиот дисидент Алексеј Навални, беше првата што се изјасни против учеството на Гергиев – генерален директор и уметнички директор на театрите Марински и Бољшој – на овогодинешниот италијански фестивал, во статија во весникот „Ла Република“.

Последователно, голем број добитници на Нобелова награда апелираа до претседателката на Европската комисија, Урсула фон дер Лајен, да интервенира, со истото барање.

Italy canceled Valery Gergiev’s July 27 concert over his support for Putin and Russia’s war against Ukraine—his first planned return to a Western stage since the invasion. pic.twitter.com/F53K88sKiT

— UNITED24 Media (@United24media) July 21, 2025

Сите тие нагласија дека меѓународно признатиот диригент отсекогаш ги поддржувал политиките и изборите на Владимир Путин и обезбедувал значителна помош од рускиот државен апарат.

Откажувањето на неговиот концерт беше оправдано и со желбата да се избегнат какви било протестни демонстрации.

Вдовицата на Навални упати апел до италијанските власти да не пуштаа руски диригент на фестивал