Скопскиот концерт на легендарната поп и џез-пејачка Бисера Велетанлиќ и Васил Хаџиманов Трио, кој требаше да се одржи в недела, на 17 ноември, во Македонската филхармонија – се откажува. Организаторот, „Авалон продукција“, информира дека е откажувањето на концертот е поради здравствени причини на Бисера.

– Поради посериозна настинка, Бисера не е во можност да настапи на концертот оваа недела, па останува истиот да го презакажеме за некои посончеви и потопли денови, напролет – велат од „Авалон“.

Сите влезници купени онлајн ќе бидат автоматски рефундирани од страна на ticketx.mk. За влезниците купени во некоја од физичките локации, обратете се на истата за рефундација, порачуваат од „Авалон“.