Музичарката Клер Елис Буше, попозната како Грајмс, се пожали на нејзиниот поранешен партнер, деловниот магнат Илон Маск, откако тој го доведе нивниот син на медиумска конференција во Овалната соба. Истовремено, таа го коментираше и општиот недостаток на „пристојност“ во американската политика, пренесува „Дејли мејл“.

Маск и неговиот четиригодишен син „X AE A-XII“ присуствуваа на конференцијата на американскиот претседател Доналд Трамп, на која беше претставена нова извршна наредба за намалување на федералната потрошувачка. Со објава на социјалната мрежа Икс, канадската пејачка го искоментира појавувањето на нивниот син во јавноста.

„Не би требало да биде вака изложен во јавност. Не го видов ова, ви благодарам за предупредувањето, но ми е драго што бил пристоен“, напиша Грајмс.

He should not be in public like this. I did not see this, thank u for alerting me. But I’m glad he was polite. Sigh

— ?????? ⏳ (@Grimezsz) February 12, 2025

Таа не ја коментираше улогата на Маск во Белата куќа, но претходно неговото јавно прикажување на нивниот син го нарече „лична трагедија“. Исто така, го критикуваше недостатокот на „пристојност“ во политиката и се залагаше за „зрело и компетентно водство“.

„Мислам дека многу нешта што се случуваа во изминатата деценија доведоа до губење на уметноста на дипломатијата, говорништвото и генерално компетентното лидерство. Целта на политиката е да се најдат решенија кога граѓаните не можат да се согласат, но двете страни ширеа хистерија наместо да обезбедат зрело и компетентно водство“, смета Грајмс.

I think so much of what’s been happening over the last decade is simply that the art of diplomacy, oration, and generally competent leadership has been lost.

The purpose of politics is to find solutions when the population can’t agree – but both sides have stoked hysteria…

— ?????? ⏳ (@Grimezsz) February 2, 2025

Таа нагласи дека нејзините коментари се „неутрални и општи изјави“ и избегна директни напади врз било кого, наведувајќи дека не е американски државјанин.

„Само не сакам да бидам депортирана, буквално“, одговори во коментарите под објавата.

Поранешниот пар има три заеднички деца и во последните месеци води битка за старателство. Пејачката во ноември откри дека со Маск водела едногодишни преговори околу старателството, а во тој период едно од нивните деца наводно не го видела цели пет месеци.

Како потсетување, Илон Маск и Грајмс ја започнаа љубовната врска во мај 2018 година, а првото јавно појавување го имаа на црвениот тепих на Мет гала истиот месец.

По кратката разделба, двојката ја обнови врската и во јануари 2020 година тие објавија дека музичарката е бремена. За време на нивната врска тие добија две деца – синот „X Æ A-Xii“ во мај 2020 година и ќерката Екса Дарк Сидаераел во декември 2021.

Минатата година, излезе нова биографија на Илон Маск, во која авторот Волтер Ајзаксон откри дека милијардерот има трето, тајно дете со неговата поранешна партнерка Грајмс. Тогаш тој откри дека синот им се вика Техно Механикус.

ВИДЕО | Маск со својот син во Овалната соба: Трамп потпиша наредба за соработка со него