Неименуван жител на Горна Франконија на крајот на октомври ги погодил седумте броеви на лотарија и освоил џекпот од над 1,6 милиони евра. Во разговор со надлежните, среќникот открил дека игра „Лото 6аус49“ веќе 40 години.

За неверојатната добивка дознал дури откако добил писмо од Државната лотарија, кое го „прочитал во еден здив“. Како што вели сега е подготвен да ја исполни старата желба за сопругата и за себе.

„Мојата сопруга веднаш ме праша дали сум добро“, открил жителот на Горна Франконија, кому веднаш му била префрлена сумата на неговата банкарска сметка, пренесува „Фокус онлајн“.

Дури кога ја провериле банкарската сметка, сопружниците сфатиле дека се побогати за 1,6 милиони евра и од радост скокнале и почнале да прават планови.

Тие не откриле што точно планираат да прават со парите, освен дека на врвот на листата е убав семеен одмор.