Без многу размислување, честопати погрешно ги толкуваме емоциите на нашите кучиња и правиме активности кои можеби не им се удобни. Според „Тајмс од Индија“, ова се осумте работи кои не им се допаѓаат на кучињата и важно е да се посвети посебно внимание.

Постојано ги прегрнувате

Можеби ќе ви биде слатко да изразите љубов кон вашето домашно милениче или едноставно да уживате во чувството на блискост со кучето, но кучињата навистина не уживаат во прегратките. Наместо тоа, подобро е да им дадете нежно тапкање по грбот.

Им ја нарушувате приватноста

Кучињата не сакаат кога им се приближувате до лицето или кога сте премногу блиску до нив. Исто така, тие не се воодушевени кога разговарате со нив одозгора или трчате кон нив.

Ги спречувате да душкаат

Кога ги носите вашите кучиња на прошетка, дозволете им да истражуваат и да душкаат наоколу. Оваа акција е многу природна за кучињата.

Дозволувате да се разгалени

Со строги правила, на кучињата чќе им обезбедите структура и тие природно ќе се чувствуваат безбедно во рамки на рутината. Ако вашето куче е непослушно, тоа е често резултат на недостаток на јасна насока. Дресирањето на кучињата, игра клучна улога во поттикнувањето на нивниот ментален развој.

Им викате и ги казнувате

Исто како и луѓето, кучињата не поднесуваат викање. Тие ја чувствуваат вашата емоционална реакција и агресивниот тон може да предизвика страв кај кучињата. Понекогаш, кучињата може да покажат дури и знаци на депресија и чувство на анксиозност поради такви ситуации.

Користите силни парфеми во нивна близина

Чувствителноста на мирисот кај кучињата е висока и тие не можат да толерираат одредени мириси, особено силни парфеми.

Ги занемарувате

Кучињата се социјални суштества и повеќе сакаат друштво отколку да се чувствуваат напуштено. Тие често доживуваат страв кога се одвоени од луѓе или други животни на кои се навикнати.

Ги облекувате

Иако изгледа слатко и забавно во облека, на кучињата тоа не им се допаѓа. Тие не се склони да прифатат облекување, освен ако ги научите уште од мали.