Актерот Сергеј Трифуновиќ е осуден на условна казна затвор од шест месеци со две години пробен период за поседување марихуана за лична употреба.

Вишиот суд во Белград денеска го осуди актерот Сергеј Трифуновиќ на условна казна затвор од шест месеци со две години пробен период за поседување 11,8 грама марихуана за лична употреба.

Со истата пресуда, В.А., за кој се тврди дека му ја продал дрогата, е осуден на затворска казна од три години и четири месеци бидејќи при апсењето кај него биле пронајдени уште 100 грама дрога.

Сергеј Трифуновиќ не се појави во Вишиот суд во Белград на пресудата, што според законот не е ни обврзан.

Сергеј Трифуновиќ се товари за кривично дело неовластено држење наркотици, за што судот го осудува на 6 месеци затвор, со услов казната да не се изврши доколку во рок од две години не стори ново кривично дело“, изјави денеска судијата при изрекувањето на првостепената пресуда.

Трифуновиќ беше уапсен поради дрога на 18 април минатата година. Во обвинението што Вишото јавно обвинителство во Белград го поднесе по истрагата стои дека тие се приведени откако си ја размениле марихуаната. По распитот во обвинителството, Трифуновиќ е пуштен да се брани од слобода.