Основачот на платформата „Телеграм“, Павел Дуров е ослободен од полицискиот притвор во Франција и е префрлен на сослушување пред судија каде ќе биде донесена одлука за евентуалното обвинение, изјавија обвинителите за Си-Ен-Ен.

Дуров (39) беше приведен во саботата на аеродромот „Ле Бурже“ во близина на Париз, како дел од истрагата за злосторства поврзани со детска порнографија, трговија со дрога и лажни трансакции на неговата платформа.