Претседателскиот кандидат на ДУИ и Европскиот фронт, Бујар Османи по гласањето во скопски Чаир им порача на граѓаните да гласаат според своето убедување, но да гласаат со цел и надеж за подобри денови на нашата држава во големото европско семејство.

– Мислам дека овие избори не се обични избори, туку се одлучувачки избори по однос на иднината на државата. Граѓаните се исправени пред две опции пред изолацијата или интеграцијата. Очекувам граѓаните да ја донесат правата одлука, изјави Османи и посака изборите да бидат слободни, фер и демократски, а граѓаните да гласаат масовно.