Денеска Алкалоид го запиша и осмиот триумф во осмиот натпревар оваа сезона во македонската ракометна Супер лига.

Играчите предводени од тренерот Кирил Лазаров во салата „Автокоманда“ го совладаа РК Скопје убедливо со конечен резултат 38:25.

Најдобри стрелци во победничките редови на овој меч беа Александар Петковски, Марко Стојковиќ и Давид Савревски со по шест голови.

На табелата во групата „А“ води Алкалоид со 24 бодови, а на последната осма позиција е Скопје со еден бод.

Следниот дуел за македонскиот вицешампион РК Алкалоид е првиот гостински предизвик против шпанската Логроњо Ла Риоха во Европската лига на ЕХФ.