Оскар Пјастри во Имола ќе го напаѓа рекордот на Ајртон Сена
Возачот на Мекларен на трката претстојниов викенд ќе се обиде да ја забележи четвртата победа во низа сезонава
Големата награда на Емилија Ромања претстојниов викенд ќе биде седмата трка во Формула 1 за два месеци, а прва во Европа сезонава.
Препорачано
-
1
-
2
-
3
Имола ќе биде уште еден клучен викенд во борбата за шампионатот, а и другите битки што беснеат сезонава.
Оскар Пјастри од Мекларен има шампионски ритам по неговите три победи едноподруго. Тој има предност од 16 поени пред тимскиот колега Ландо Норис во генералниот пласман на возачи, односно 32 поени разлика во однос на третопласираниот Макс Верстапен од Ред бул.
Сега Пјастри може да постигне нешто што ниеден возач на Мекларен не успеал од сезоната 1991, а тоа е победа на четири трки по ред. Тогаш, Ајртон Сена, кој ги освои првите четири гран-при трки во годината, го постигна тој подвиг.
Smiling into race week 🤗#McLaren pic.twitter.com/UIHkJ20wwq
— McLaren (@McLarenF1) May 12, 2025
Пјастри нема многу искуство во Имола, бидејќи таму се тркаше во Ф1 само минатата година по откажувањето на трката во 2023 година. Сепак, тој тогаш го зазеде второто место веднаш зад Верстапен, пред казната да го спушти на петтото место, па затоа нема сомнение дека знае да ја вози италијанската патека.
Комбинацијата од средно брзите свиоци на Имола и одличното менаџирање со гумите од страна на Макларен ќе ги направи неговите автомобили многу конкурентни. Затоа Пјастри треба да има сè во своја корист за да ја продолжи својата победничка серија. Најмногу се очекува од Норис да се обиде да го спречи тоа.
ВИДЕО | Времиња на брзина и возбуда: Формула 1 наполни 75 години
