Возачот на Мекларен, Оскар Пјастри е победник на денешната трка за Големата награда на Бахреин, која се одржа во рамките на шампионатот во Формула 1.

Австралискиот возач ја забележа својата четврта победа во кариерата на патеката „Сахир“, а втора оваа сезона.

Второто место му припадна на возачот на Мерцедес, Џорџ Расел, а Ландо Норис, вториот возач на Мекларен се најде на третата позиција.

Четвртата и петтата позиција ги зазедоа возачите на Ферари, Шарл Леклер и Луис Хамилтон, шестото место му припадна на актуелниот светски шампион, возачот на Ред Бул, Макс Ферстапен, додека Пјер Гасли од Алпина заврши на седмата позиција.

Бодови освоија и Естебан Окон (Хас), Јуки Цунода (Ред Бул) и Оливер Берман (Хас).

Во генералниот пласман по четири трки, Норис води со 77 бодови, Пјастри е втор со три бодови помалку, додека Ферстапен е на третата позиција со 69 бодови.

Следната трка од Формула 1 ќе се вози за седум дена во Саудиска Арабија.