Околу 10 илјади возила биле осигурани во деновите кога осигурителните компании ја зголемија полисата за 15 проценти. Старата цена е вратена но останува прашањето кој ќе ги обештети граѓаните кои осигурале автомобил поскапо.

Предлогот за враќање на старите цени помина на Влада, се чека негово објавување во Службен весник. На ова бурно регираа фирмите од осигурителниот бизнис, со порака дека одлуката е директна закана за финансиската стабилност на секторот, објави Телма.

Тврдат дека одлуката за повисоката цена на полисата ја донеле бидејќи таа не е променета повеќе од 10 години, а нивните трошоци во меѓувреме пораснале. Но, анализата на Агенцијата за супервизија на осигурувањето, покажа дека поскапувањето е неосновано.