На московскиот аеродром Домодедово беше оштетен авион од типот „Ербас А380“ на компанијата Емирати Ерлајнс, поради што летот за Дубаи мораше да биде одложен.

„За време на подготовката на летот ЕК134, авионот Ербас 380-800 беше оштетен додека во него немаше патници. Авионот е суспендиран од летање и се проценува неговата техничка состојба“, се наведува во соопштението.

Од аеродромот изјавија дека сите патници го зеле следниот лет со задоцнување од помалку од осум часа. Московската канцеларија на авиокомпанијата Емирати потврди дека летот за Дубаи во 16:35 часот е откажан поради „оперативни причини“.