Ортопедите советуваат што мора да правите за да имате здрави зглобови
Не смееме да си дозволиме ден без движење и недела без тренинг. Зглобовите остануваат здрави ако се користат редовно, советуваат ортопедите.
Препорачано
Прочитајте ги нивните совети
Под секојдневно движење се мисли на одење или возење велосипед како и утринско истегнување со кое се задржува подвижноста на зглобовите и во голема мера се олеснува движењето тој ден. Покрај тоа, потребно е барем двапати неделно зглобовите да се подложат на посилно оптоварување. Важно е оптоварувањето да биде редовно и соодветно на телесната состојба. Можностите се безбројни: трчање, кревање тегови, колективен спорт со топка, танцување, рекреативни групи, возење велосипед, нордиско одење.
Ортопедите, исто така, напоменуваат и дека е потребно да се подигне нивото на „добриот“ холестерол (ХДЛ), што се постигнува со јадење храна богата со омега-3 масти: маслиново масло, сина риба, ленено семе. Покрај овие намирници, потребно е да се спомене и ѓумбирот. Постојат истражувања што докажале дека кај пациенти со остеоартритис на колената, секојдневното консумирање на овие производи довело до намалување на болките.
Постојат различни причини за заболување на зглобовите.
При ортопедски преглед пациентите грубо можат да се поделат во две групи: повреди – акутни состојби и артроза – дегенеративни оштетувања на зглобовите. Во двете групи, најзастапен е зглобот на коленото. Тука многу често доаѓа до повреди, кои ја зголемуваат веројатноста за развој на артроза. Вкоренето е мислењето дека повредите се резервирани за помладата и поактивната популација, додека артрозата ја погодува повозрасната група на пациенти.
Меѓутоа, кај ортопедите сè повеќе помошт бараат пациенти во триесеттите години со многу сериозни оштетувања на зглобовите. Покрај коленото, потребно е да се спомнат повредите на глуждот и на стапалото, кои редовно се запоставуваат и несоодветно се лекуваат.
