Церемонијата се свеченото предавање на олимпискиот оган се одржа на Олимпискиот стадион „Панатинаико“, на кој се одржани првите модерни Олимписки игри во 1896 година.

Првиот човек на олимпискииот комитет на Грција, Спирос Карпалос му го предаде олимпискиот оган на претставиникот на организацискиот одбор на Игрите, Наоко Имото.

Олимпискиот оган беше запален минатиот чертврток, но по само 24 часа беше запрен неговиот пат околу Грција поради пандемијата на коронавирусот, а во Токио се очекува да пристигне утре и според планот, ќе помине низ цела Јапонија.

Засега Олимписките игри во Токио не се одложени и доколку стивне пандемијата со коронавирусот, тие ќе се одржат од 24 јули до 9 август.