Унгарскиот премиер Виктор Орбан денес изјави дека Европската Унија е на работ на колапс и дека Западот повеќе не е модел што треба да се следи, додека Унгарија „цврсто стои“.

„Европската Унија е на работ на колапс, со долгови, миграција, насилство и неуспешни политики насекаде. Унгарија цврсто стои – без мигранти, просемејна, обезбедува можности за оние што се подготвени да работат“, рече Орбан во објава на платформата X.

Тој рече дека е потребна храброст за да се разбере дека „Западот повеќе не е модел што треба да се следи“.

„Ни треба храброст, интелектуална, политичка и лична, за да разбереме дека Западот повеќе не е модел што треба да се следи и да покажеме дека постои подобар начин“, заклучи Орбан.