Унгарскиот премиер Виктор Орбан ја опиша Парадата на гордоста во саботата во Будимпешта како „одвратна и срамна“, обвинувајќи ја Европската Унија дека им наложила на опозициските политичари да го организираат настанот, кој се претвори во антивладин протест, објавија унгарските медиуми.

Парадата на гордоста во Будимпешта се претвори во една од најголемите демонстрации на отпор кон Орбан во последните години, собирајќи речиси 100.000 учесници и покрај полициската забрана и заканите со казни.

Зборувајќи во затворена онлајн група за своите поддржувачи наречена „Боречки клуб“, Орбан рече дека опозициските политичари кои добиле инструкции од Брисел ги повикале своите гласачи да присуствуваат на митингот во голем број, објави унгарскиот портал Индекс.

„Од вчера, станавме уште посигурни дека на овие луѓе не смее да им се дозволи да се приближат до владата. И ние нема да им дозволиме“, рече тој.

Тој не даде докази за своите тврдења. Но, настанот го организираше градската влада на Будимпешта, предводена од градоначалникот Гергели Карачони, кого владата на Орбан со години го обвинува дека е марионета на Брисел.

Европската комисија одби да коментира за коментарите на Орбан. Орбан го нарече маршот „одвратен и срамен“. Маршот беше забранет според закон донесен во март, во кој се наведува потребата од заштита на децата.

Орбан во петокот изјави дека претседателката на Европската комисија, Урсула фон дер Лајен, која ги повика унгарските власти да го дозволат маршот, ја смета Унгарија за „подредена земја“ и го спореди нејзиното барање со преземање наредби од Москва во времето на комунизмот.

Ројтерс не можеше независно да ја потврди изјавата на Орбан. Портпаролот на владата не одговори на барањето за коментар, пренесува Индех.хр.

ВИДЕО | И покрај забраната, десетици илјади Унгарци дојдоа на Парадата на гордоста во Будимпешта